#有食譜 一到假期又可以煲湯同煮飯，又趁有時間去入返啲乾貨，好似猴頭菇、茶樹菇、腰果、花豆咁。之前都有寫過印度椰子素湯食譜，不過今次唔同係加咗猴頭菇。其實猴頭菇真係非常有益，同埋多用途，用來煲湯、煮餸、炒飯都得，所以我每次去入貨都會買定一大包！
至於猴頭菇有咩益？我唔係專家，所以我對猴頭菇只有好皮毛嘅了解，即管同大家分享一下。猴頭菇既有豐富嘅蛋白質，仲係低脂肪嘅食物，而且具有提高免疫力的功能。猴頭菇含不飽和脂肪酸，可以幫助降低膽固醇、調節血脂。佢仲含有多種氨基酸同埋多糖體，有助消化，對胃炎、胃癌、食道癌、胃潰瘍等都有幫助！據稱猴頭菇仲有抑制癌細胞中遺傳物質的合成，可預防和治療消化道癌症和其他惡性腫瘤。以上資料只供參考，都建議你地去咨詢專業人士。
至於猴頭菇買到返嚟點處理？我平時都係買乾嘅猴頭菇，比較方便貯存。乾嘅猴頭菇用水浸最少30分鐘，浸完之後用水沖一沖，再按壓返猴頭菇裡面嘅水份出嚟，就可以同其他材料一齊煲喇！
立即Follow我的Instagram @mrswongskitchen
Search